Франција ќе инвестира 100 милиони евра во водород во текот на 2019 година

Француската влада вети дека ќе инвестира 100 милиони евра за развој на водород за употреба во транспортот и индустријата во 2019 година, со што Франција ќе стане "светски лидер" на ова поле.

Планот е да има 5000 лесни комерцијални возила со водород и 200 тешки товарни возила, како што се автобуси, возови и камиони во оптек до 2023 година, како и 100 сервисни пумпи.

До 2028 година, целта е да се има меѓу 400 до 1.000 станици за гориво, 20.000-50.000 лесни комерцијални возила и 800-2.000 тешки возила.

Француската влада, исто така, постави цел за 10 проценти нула-јаглероден водород до 2023 година и 20-40 проценти до 2028 година. Тоа значи вложување во електролизери, кои може да го извлечат гасот од вода и да го искористат вишокот произведен од ветер и соларна енергија, кои инаку би се изгубиле.

Извор:
GreenFleet